1. წინამდებარე დოკუმენტი არეგულირებს შპს „მაიგოუ“-ს მიერ (ბრენდი: SERVER1.GE) კლიენტისთვის Plesk ვებ ჰოსტინგის მომსახურების მიწოდების, გამოყენებისა და მხარდაჭერის პირობებს.
2. პირობები წარმოადგენს მომსახურების ხელშეკრულების/შეკვეთის (ან/და ზოგადი პირობების) განუყოფელ ნაწილს. წინააღმდეგობის შემთხვევაში უპირატესობა ენიჭება ხელშეკრულების ძირითად პირობებს.
3. ზემოთ მოცემული „მნიშვნელოვანი“ ჩანაწერი წარმოადგენს პასუხისმგებლობის ზღვარის განმარტებას ამ დოკუმენტის კონტექსტში.

1. კომპანია კლიენტს აწვდის ვებ ჰოსტინგის რესურსს (Plesk Account/Subscription) არჩეული გეგმის ფარგლებში, როგორც ეს აღწერილია console.server1.ge-ზე შესაბამის შეკვეთაში/გეგმაში.
2. მომსახურება შეიძლება მოიცავდეს: HTTP/HTTPS ვებ-სერვისს, PHP გარემოს, მონაცემთა ბაზის სერვისს (MySQL/MariaDB), ფაილურ სივრცეს, Plesk პანელს და სტანდარტულ მხარდაჭერას — მხოლოდ გეგმით განსაზღვრული მოცულობით.
3. Fair-Use/საზიარობა: Shared გარემოში კლიენტი ვალდებულია არ გამოიყენოს სერვისი ისეთი ინტენსივობით, რომელიც აზიანებს/აფერხებს სხვა მომხმარებლებს. ასეთ დროს კომპანიას შეუძლია დროებითი ტექნიკური შეზღუდვები (rate-limit / process-limit / IO-throttle / mail throttle / filtering) ან სერვისის დროებითი შეჩერება ინციდენტის ლოკალიზაციამდე.
4. ვებსაიტის/აპლიკაციის ინსტალაცია/კონფიგურაცია სრულდება კლიენტის პასუხისმგებლობით (CMS, პლაგინები, თემები, custom PHP კოდი, cron, ფაილების ატვირთვა და სხვა).
5. კომპანია არ არის პასუხისმგებელი კლიენტის მიერ დაყენებული კოდის/პლაგინების ლოგიკურ გაუმართაობაზე, უსაფრთხოების ხარვეზებზე (CMS/კოდის დაუცველობა) და მონაცემთა დაკარგვაზე, გარდა იმ შემთხვევებისა, რაც წერილობით არის შეთანხმებული Managed მომსახურების ფარგლებში.
6. კომპანია, როგორც წესი, არ ფლობს კლიენტის კონტენტზე წვდომას; კონტენტზე პასუხისმგებელია კლიენტი.
7. კომპანია უზრუნველყოფს ჰოსტინგის პლატფორმის/ქსელის ოპერირებას ისე, რომ Web Hosting იყოს ხელმისაწვდომი SLA-ს ფარგლებში.

1. პლატფორმის ოპერაციული სისტემის, ვებსერვერის, PHP გარემოს, Plesk პანელის და საბაზო ინფრასტრუქტურის განახლებებს (security patches) უზრუნველყოფს კომპანია, პლატფორმის სტანდარტული პოლიტიკის ფარგლებში.
2. კლიენტის პასუხისმგებლობაა CMS/პლაგინების/თემების რეგულარული განახლება, ძლიერი პაროლები/2FA (თუ ხელმისაწვდომია) და საკუთარი კოდის უსაფრთხო პრაქტიკები (upload hardening, input validation და სხვა).
3. ფასიანი ლიცენზიების/სერვისების (მაგ: დამატებითი უსაფრთხოების add-on, პრემიუმ WAF, მესამე მხარის backup, SMTP) შეძენა/მართვა ხდება კლიენტის პასუხისმგებლობით, თუ კომპანია არ აწვდის როგორც add-on სერვისს.
4. კრიტიკული უსაფრთხოების რისკის შემთხვევაში (malware, mass-spam, exploit, botnet activity) კომპანიას შეუძლია მოითხოვოს დაუყოვნებლივი ქმედება და დროებით შეზღუდოს HTTP/FTP/SMTP/Panel წვდომა ინციდენტის ლოკალიზაციამდე.

1. შეკვეთა/გადახდა/აქტივაცია/მართვა ხორციელდება console.server1.ge-ით.
2. ჰოსტინგის გააქტიურება, როგორც წესი, ხდება ავტომატურად გადახდის დადასტურების შემდეგ.
3. დომენის მიბმა (DNS/NS/A/AAAA), SSL (მაგ: Let’s Encrypt) აქტივაცია და ელფოსტის ჩანაწერები სრულდება კონსოლის ინსტრუქციებით ან მხარდაჭერის დახმარებით — გეგმით განსაზღვრულ ფარგლებში.

1. Standard Backup: Backup/Restore პოლიტიკა განისაზღვრება გეგმით. თუ გეგმა არ მოიცავს — Backup/Restore არ ითვლება გარანტირებულ კომპონენტად.
2. თუ გეგმაში შედის Backup: Backup ითვლება best-effort მექანიზმად და არ გამორიცხავს მონაცემების დაკარგვის რისკს (წაშლა, ransomware, შეცდომა, კოდის დაზიანება და სხვ.).
3. კლიენტის პასუხისმგებლობაა off-site backup-ის ქონა ბიზნეს-კრიტიკული სისტემებისთვის.
4. DR (მეორე ლოკაციაზე გარემოს აღდგენა) სტანდარტულად არ შედის, თუ წერილობით არ არის შეთანხმებული DR Add-on.

ხელმისაწვდომობა: სამიზნე დონეა 99.5% თვეში. მომსახურება: 24/7/365.

1. დაგეგმილი სამუშაოები, რომლებმაც შეიძლება გავლენა მოახდინოს ხელმისაწვდომობაზე, როგორც წესი, ცხადდება მინიმუმ 48 საათით ადრე.
2. გეგმიური სამუშაოები ტარდება ძირითადად 22:00–09:00 (GE დრო) პერიოდში, როცა შესაძლებელია.
3. გადაუდებელ შემთხვევებში (უსაფრთხოება/ავარია) სამუშაოები შეიძლება შესრულდეს წინასწარი შეტყობინების გარეშე, თუმცა ინფორმირება მოხდება მაქსიმალურად სწრაფად.

SLA დარღვევისას კლიენტს შეუძლია მოითხოვოს სერვის კრედიტი, როგორც ერთადერთი კომპენსაცია.

• კრედიტი გაიცემა მხოლოდ Web Hosting-ის ბაზისურ თვიურ საფასურზე (add-on სერვისები/მესამე მხარის სერვისები/დომენი/ტრანსფერი არ შედის).
• SLA Claim: მოთხოვნა უნდა გაიგზავნოს ინციდენტიდან ან თვის დასრულებიდან 7 კალენდარული დღის განმავლობაში (ტიკეტით კონსოლში) და შეიცავდეს Hosting ID-ს/დომენს, დროებს და აღწერას.
• Back-to-Back / მესამე მხარის ინფრასტრუქტურა: თუ მომსახურების ნაწილი/მთლიანობა უზრუნველყოფილია მესამე მხარის DC/ქსელით/Upstream პლატფორმით, კრედიტები შესაძლოა შეიზღუდოს იმ კომპენსაციით, რასაც კომპანია რეალურად მიიღებს მესამე მხარისგან. კომპანია მოქმედებს კეთილსინდისიერად, თუმცა მესამე მხარის კონტროლს მიღმა ავარიებზე პასუხისმგებლობა ამ დოკუმენტით განსაზღვრულს არ აღემატება.

SLA დარღვევად არ ითვლება და კრედიტი არ გაიცემა, თუ შეფერხება გამოწვეულია:

• კლიენტის/კონტრაქტორების ქმედებით ან უმოქმედობით (არასწორი DNS, CMS crash, PHP errors, plugin conflict, წვდომის დაკარგვა და სხვ.)
• კლიენტის მიერ ინიცირებული ოპერაციებით (დომენის/DNS ცვლილებები, mass upload, მძიმე cron, რესურსების პიკური გამოყენება და სხვ.)
• მესამე მხარის სერვისებით (CDN, external DNS, external DB, payment gateway, mail gateway, external API და სხვ.)
• რესურსების გადავსებით ან Fair-Use დარღვევით (Disk quota 100%, inode overflow, process limits, mail sending abuse და სხვ.)
• დაგეგმილი პროფილაქტიკით
• DoS/DDoS შეტევით, რომელიც სცდება სტანდარტულ დაცვის ზღვარს ან მოითხოვს საგანგებო ფილტრაციას
• კანონით/რეგულაციით მოთხოვნილი შეზღუდვებით
• Force Majeure გარემოებებით (სტიქია, ფართო მასშტაბის ენერგო/ქსელის ავარია, სახელმწიფო შეზღუდვები და სხვ.)
• ელფოსტის deliverability საკითხებით (recipient-side filtering/blocklist/პოლიტიკები SPF/DKIM/DMARC) — გაგზავნა/მიღება დამოკიდებულია მიმღების სისტემებზეც.

1. კომპანია არ არის პასუხისმგებელი არაპირდაპირ/შედეგობრივ ზიანზე (მოგება, მონაცემი, downtime, რეპუტაცია, მესამე პირების მოთხოვნები, ჯარიმები და სხვ.).
2. კომპანიის მთლიანი პასუხისმგებლობა შემოიფარგლება ბოლო 1 თვის იმ Web Hosting-ის საფასურით, რომელსაც მოთხოვნა ეხება.
3. SLA კრედიტები არის ერთადერთი და საბოლოო კომპენსაციის გზა ხელმისაწვდომობის დარღვევისას.

1. გადაუხდელობის, წესების/კანონის დარღვევის ან უსაფრთხოების კრიტიკული რისკის შემთხვევაში კომპანიას შეუძლია დროებით შეზღუდოს მომსახურება (HTTP/FTP/SMTP/Panel) ინციდენტის ლოკალიზაციამდე.
2. მომსახურების გაუქმების/დეაქტივაციის შემდეგ კლიენტს ეძლევა 3 სამუშაო დღე მონაცემების გასატანად. შემდეგ შესაძლებელია წვდომის გაუქმება და მონაცემების წაშლა.

• Backup Pro (Off-site): ყოველდღიური ბექაფი + 14/30 დღე + self-restore
• Security/WAF Add-on: დამატებითი დაცვა/WAF, bot protection, malware scanning (scope-limited)
• Managed Web Hosting / Managed CMS: CMS update policy, hardening, monitoring, incident handling (წერილობით შეთანხმებული ფარგლებით)
• Premium SLA: 99.9% (ტექნიკური შესაძლებლობის ფარგლებში) + გაძლიერებული რეაგირება